Роже Федерер стигна до деветтата титула на домашниот терен во Базел, неговиот роден град. Тој во големото финале го совлада својот голем ривал Рафаел Надал со 2:1 во сетови (6:3, 5:7 и 6:3).
Федерер беше видно мотивиран и фокусиран да го добие натпреварот. Швајцарецот подобро го почна мечот, во петтиот гејм стигна до брејк, па потоа рутински го доби сетот со 6:3. Вториот сет помина во израмнета игра, но при резултат 5:5, Надал направи брејк, по што успеа да израмни на 1:1. Сепак, во третиот сет прв капитулираше Надал, кој при 4:3 за Федерер со неизнудена грешка му подари брејк на Швајцарецот, а тој потоа го искористи својот сервис за конечна победа од 2:1.
Ова беше прва победа за Федерер на Надал по речиси четири години, по триумфот во Индијан Велс во 2012 година.