Новак Ѓоковиќ и Жо-Вилфред Цонга ќе играат во финалето на Мастерсот во Шангај откако денеска во полуфиналните мечеви ги победија Енди Мареј односно Рафаел Надал.
Мечот на двајцата најдобри играчи на светот Ѓоковиќ и Мареј траеше 67 минути и Ѓоковиќ на Мареј му препушти само четири гема – 6:1 и 6:3 во сетови. Билансот на победи сега е 20:9 во корист на Ѓоковиќ.
Во второто полуфинале Цонга го победи Надал со 2:1 во сетови. Првиот сет му припадна на Цонга со 6:4, а Надал изедначи откако го доби вториот сет со 6:0. Во решавачкиот сет беше 7:5 за Цонга, кој ја постигна 4.та победа во 12.меч против Надал.
Утре во финалето ќе играат Ѓоковиќ и Цонга што ќе биде реприза на завршниот меч од 2012 година.