Собраниската Комисија за финансирање и буџет денеска по четири дена расправа го заврши општиот претрес за Предлог-буџетот за 2016 година. По редовната едночасовна пауза попладне во 15 часот Комисијата треба да почне амандманска расправа.
За Предлог-буџетот за 2016 година се поднесени 418 амандмани, од кои 235 од здружената опозиција, 178 од ДПА, три од ДУИ, еден од пратеничката Роза Топузова Кареска и еден од повеќе пратеници.
Собранискиот деловник предвидува расправа од најмногу 10 дена за новиот буџет во матичната собраниска комисија.