Чест е да се слават 20 години дипломатски односи со 19 земји кои подразбираат милијарда и пол луѓе каде што се разбира најмоногу придонесуваат САД и Индија, истакна шефот на дипломатијата Никола Попоски на церемонијата која се одржа денеска во Куршумли Ан.
– Задоволство на сите граѓани на РМ е што ве имаме вас како партнери во градење на подобра и попросперитетна држава, која цели да биде членка на ЕУ и НАТО. Веруваме дека организациите во кои членуваме и кон кои се стремиме ги шират токму овие вредности кои не спојуваат – мир, демократија и безбедност и затоа сакаме да дадеме свој придонес кон оваа заедница на вредности, рече министерот Поповски на свеченоста на која присуствуваа претставници од државниот врв, дипломатскиот кор и бизнис-заедницата во државата.
Доајенот на дипломатскиот кор, амбасадорот на Романија Јустиниан Фошка истакна дека ова беше богат дипломатски пат со многу цели и активности. Покрај економската и безбедносната соработка ги поддржуваме и стратегиските цели, ЕУ и НАТО, а нивната реализација, додаде, ќе ја осигура безбедноста на целиот регион и на Европа.
– На регионот му треба стабилност, просперитет политичка и економска соработка, добрососедски односи и зголемена регионална соработка. Секој политички актер треба да знае дека европските принципи и стандарди како доброто владеење, владеење на правото, функционалната демократија и политичкиот дијалог се принципи и вредности врз кои се темели Европа. Ова е нова политичка реалност во регионот која подразбира преземање одговорни политички чекори, порача Фошка.
Република Македонија две децении дипломатски односи одбележува со: Саудиска Арабија, Романија, Молдавија, Индија, Естонија, Антигва и Барбуда, Иран, Либиja, Украина, Сингапур, Казахстан, Монголија, Азребејџан, Литванија, САД, Грција, Австралија, Израел и Оман. Македонија како домаќин, но и земјите на јубилејот се претставија со гурмански специјалитети со кои ги доловија вкусовите и мирисите карактеристични за нивните земји.