При спроведувањето на воената операција во Сирија, Русија не смее да ги заборави лекциите за горките искуства на Советкиот Сојуз во Авганистан и на САД во Ирак, изјави синоќа портпаролот на Белата куќа, Џош Ернест.
Како што јави ТАСС, Ернест нагласи дека САД и натаму сметаат оти стратегијата на Русија во Сирија е „несоодветна“, бидејќи таа првенствено е насочена кон поддршка на сирискиот претседател Башар ел Асад, а не кон разбивање на екстремистите.
– Русија ризикува да се соочи со уште поголема меѓународна изолација и да биде вовлечена во меѓуверски конфликт, потенцира Ернест.
Тој оцени дека Русија „не може или не сака“ да прави разлика меѓу целите во Сирија, обвинивајќи ги руските сили дека повеќето од нивните воздушни напади биле извршени во реони под контрола на умераната сириска опозиција, каде нема припадници на џихадистичката група Исламска држава.