Околу 1.200 полицајци и цариници беа вклучени во голема рација против мрежа за организиран криминал во Франкфурт и други места, при што се уапсени најмалку четири лица, јавуваат денеска германските медиуми.
Во текот на рацијата се пребарани околу 150 објекти, меѓу кои се и фирми на франкфуртскиот аеродром и во пошироката околина на градот.
Рацијата е спроведена на барање на Државното обвинителство и насочена против организираниот криминал, работењето на црно, затајувањето на данок и измами со социјалните давачки.