Сирискиот министер за надворешни работи Валид ал Моалем денеска изјави дека на воздушните напади на Русија и нејзините воени чекори во Сирија и претходеле повеќемесечни подготовки.
Тој наведе и дека Русија соработува со сириската армија за своите воздушни напади.
Русија минатата среда презеде воздушни напади врз позициите на Исламска држава и сирискиот огранок на Ал Каеда, но неколку пати беа погодени позиции на бунтовниците кои ги поддржува Западот.
Руските напади пред се се фокусирани во северозападните и централните сириски провинции, кои се добро поврзани со упориштето на сирискиот претседател Башар ал Асад во Дамаск, како и на сирискиот брег на Средоземно Море.