Сириските бунтовници и силите лојални на сирискиот претседател Башар ал Асад, се договорија за шестмесечен прекин на огнот во градот Забадани и во шиитските градови Фуаа и Кафра, пренесува ДПА.
Според договорот контролираниот од бунтовниците Забадини, кој е во близина на границата со Либан, нема да биде бомбардиран во период од шест месеци од сириските владини сили. Во замена бунтовниците ќе ја прекинат на шест месеци опсадата на двата шиитски градови Фуаа и Кафра во северозападниот дел на земјата.
Договорот е постигнат со посредство на Турција и Иран и тој беше поздравен од ОН, изјави Рами Абдел Рахман, директорот на Сирискиот центар за набљудување на човековите права.