Министерот за надворешни работи на Велика Британија, Вилијам Хејг допатува во Приштина каде што ќе има средби со официјалните лица на Косово. Потоа оди за Белград.
Хејг во Белград ќе разговара со претседателот на Србија, Томислав Николиќ и со премиерот Ивица Дачиќ, како и со потпретседателите на владата, Александар Вучиќ и Сузана Грубјешиќ.
Шефот на британската дипломатија доаѓа во Белград во рамките на посетата на регионот, за да ги охрабри лидерите на Србија во работата на нормализацијата на односите со Косово и исполнувањето на критериумите за приближување кон Европската Унија.