Пет македонски тенисери ќе настапат на фјучрс турнирот во Сокобања. Двајца според пласманот, а тројца по квалификациите се изборија за настап.
Денеска настап во сингл ќе имаат сите освен Томислав Јотовски, кој е рангиран како четврти носител и утре ќе игра против Домагој Биљешко од Хрватска.
Во првото коло Бојан Јанкуловски ќе игра против Давид Синтаи од Унгарија, Давид Мицевски за ривал го има Стефан Миличевиќ од Србија, Стефан Мицов ќе игра против Данаил Тарпов од Бугарија, а Шендрит Деари против Жером Инцериљо од Франција (5.носител).
Од другите македонски тенисери денеска настап на фјучрс во Египет ќе има и Бесир Дургути, додека Лина Ѓорческа ќе ига на турнир во Хрватска на Брач.