Русија продолжува да ги вооружува проруските сепаратисти, иако е во сила договорот за прекин на огнот, изјави денеска Генералниот секретар на НАТО Јенс Столтенберг.
– Договорот за прекин на огнот во голем степен се почитува. Тоа, се разбира е охрабрувачки, но ситуацијата останува многу неизвесна, нагласи Столтенберг, кој е во посета на Украина.
Столтенберг го осуди планот на сепаратистите за организирање на предвремени локални избори во Источна Украина во октомври и ноември.