Кларк Кент, алтер егото на суперхеројот Супермен, го напушта новинарското место во весникот Дејли Планет од измислениот град Метрополис и ќе продолжи да работи како блогер, ги најавија за USA Today авторите на стрипот за овој јунак новините што ќе ги донесе новиот број
Во следниот број на стрипот, откако уредникот ќе му забележи дека не носи доволно нови инфирмации за акциите на Супермен, Кларк Кент пред целата редакција ќе даде отказ од работното место во весникот.
Во драматичната сцена која се одвива пред целата редакција, Кент вели дека новинарството се изгубило во вестите за забава и дека од сега па натаму против оваа појава ќе се бори како блогер.
Од сега натаму, наместо несмасниот Кларк Кент каков што е претставен Супермен кога не е во некоја од херојските акции, ќе видиме еден посериозен блогер кој со помош на интернетот и радиото известува за вистината, велат авторите.