На локалниот пат помеѓу скопските села Свиларе и Рашче вчера во 19:30 часот, додека се движел со патничко моторно возило „БМВ“, Г.С. бил пресретнат од страна на две засега непознати маскирани лица, кои со неколку проектили од автоматско оружје го погодиле возилото.
Потоа пришле кон возилото и со тврд предмет му нанеле телесна повреда во пределот на главата.
На Г.С. му била укажана медицинска помош во Клинички центар-Скопје. Се преземаат мерки за целосно расчистување на настанот.