По првиот ден на полуфиналните дуели од Дејвис купот ниту една репрезентација нема предност бидејќи сите четири селекции добија по еден сингл меч.
Во Глазгов Велика Британија поведе во дуелот со Австралија откако Енди Мареј го победи Танаси Кокинакис со 3:0 во сетови. Резултатот го изедначи (1:1) Бернанрд Томиќ кој беше поуспешен од Даниел Еванс со 3:1 во сетови.
На дуелот во Брисел, Белгија поведе против Аргентина откако Давид Гофин го совлада Федерико Делбонис со 3:0 во сетови, а изедначи (1:1) Леандро Маер, кој беше подобар со 3:1 во сетови од Стив Дарцис.
На двата дуела денеска на програмата се мечевите во двојки.