Потпретседателката на Европскиот Парламент Улрике Луначек изјави дека постои итна потреба да и се помогне на Србија за да се справи со очекуваното „закрчување“ поради големиот прилив на имигранти.
– Целосно се согласувам со високиот комесар за бегалци Антонио Гутереш кога вели дека одлуката на Унгарија да ја запечати границата за бегалци значи дека постои итна потреба да се помогне во Србија за да се справи со очекуваната ситуација, изјави Луначек за весникот „Данас“, коментирајќи го овонеделниот состанок на Гутереш со надворешно-политичиот одбор на ЕП.
На тој состанок присуствуваа и еврокомесарот за миграции, Димитрис Аврамопулос, високата претсеавничка на ЕУ за надворешна политика и безбедност, Федерика Могерини.