Адвокатот Ванчо Митев денеска ќе поднесе жалба на решението за притвор на дадилката, а веќе е отстранета видео снимката од социјалните мрежи. Тој за А1он вели дека снимката е незаконски стекната и како таква не е никаков доказ.
– Од синоќа во 19 часот ми тече рокот за жалба, барам издвојување на снимката како доказ и судијата е должен тоа го направи исто како што се случи со прислушуваните материјали. Снимката во овој случај не е резултат на посебни истражни мерки и никако не може да послужи како доказ, вели Ванчо Митев, адвокат на дадилката.
Дадилката беше уапсена и заврши во притвор откако родителите ја снимале со камера која ја поставиле откако се посомневале дека го малтретира нивното деветмесечно бебе.