Еден од најнеобичните уреди претставени на Саемот ИФА во Берлин е телевизорот Ел-Џи со двостран брановиден ОЛЕД екран.
Закривениот екран од 111 инчи во дијагонала е резултат на комбинирање на три 65-инчни Ултра ХД ОЛЕД екрани, технологија наречена „вертикал тилинг“.
– Живееме во ера на екрани. Преку нив споделуваме онформации и комуницираме, гледаме во иднината и сонуваме за неа. Сакаме ОЛЕД да биде револуција што ја носи иднината во која сите сакаме да живееме, се наведува во соопштението на компанијата Ел-Џи.
Ел-Џи веќе користи ОЛЕД технологија за своите ТВ уреди со закривени екрани, од кои некои со само еден допир менуваат форма од рамен во закривен и обратно.