СДСМ преку соопштение реагираше на денешното поставување камен темелник на новата административна зграда на АД за стопанисување со станбен и деловен простор.
„Никола Груевски продолжува да се занимава само со луксузот и раскошот на барокните згради наспроти реалните потреби на граѓаните.
За канцеларии на 180 административци воопшто нема потреба да се потрошат над 8 милиони евра, пари на граѓаните. Нови простории за АД за изградба и стопанисување со станбен и деловен простор може да се обезбедат со многу помалку пари, преку поскромен објект, современ и енергетски ефикасен, согласно најновите стандарди.
Реалните потреби на граѓаните се нови училишта, градинки, современи болници…
Со над 8 милиони евра можеа да се изградат многу училишта, градинки и болници со што вистински ќе им се помогнеше на граѓаните“, се вели во соопштението на СДСМ.