Македонија имаше неуспешен старт на Европското првенство, кое се одржува во Хрватска, Летонија, Франција и Германија.
Избраниците на Марјан Србиновски, иако во поголемиот дел од мечот добро се држеа, сепак на крајот беа поразени, дури и убедливо од нашиот јужен сосед, Грција со 85:65.
Најдобри во македонската селекција беа Костоски со 20 и Војдан Стојановски со 13 поени, додека кај јужниот сосед тоа беше Принтезис со 18, додека Бурусис постигна 16 поени.
Утре Македонија ја очекува нов предизвик, со незгодната Холандија, која направи изненадување, откако славеше над Грузија во првото коло.