Јужнокорејската компанија „Самсунг“ објави дека новиот паметен часовник ќе биде компатибилен со Гугл оперативниот систем Андроид.
Компанијата на тој начин планира да ја намали пазарната доминација на Епл.
Часовникот на пазарот ќе се најде во октомври, објави Самсунг пред денешното отворање на најголемиот европски Саем на електроника за широка потрошувачка ИФА во Берлин.
Компатибилноста со Андроид технологијата ќе овозможи новиот часовник на Самсунг да функционира со смартфони од други компании, за разлика од Епл Воч.
Според истражувањата на компанијата Стратеџи аналитикс, светската продажба на паметни часовници достигна пет милиони уреди во второто тримесечје од годината, додека една година претходно таа бројка изнесува еден милион.
Епл Воч има 75 проценти од пазарот, додека Самсунг е далеку зад американската компанија со само осум проценти.
Самсунг неодамна го претстави новиот часовник Геар 2, опремен како и Епл Воч со технологија за мобилно плаќање.