Павле Трајанов, пратеник и лидер на Демократскиот сојуз, коалициски партнер на ВМРО-ДПМНЕ, во Собранието ќе дејствува како независен пратеник.
Тој веќе поднел такво барање до претседателот на Собранието, Трајко Вељаноски, a во наредниот период ќе работи на формирање на нов политички блок за изборите во 2016 година.
Трајанов во последниот период не присуствува на средбите на коалициските партнери на ВМРО-ДПМНЕ, а и неговите јавни настапи беа сосема спротивни на политиката на владејачката партија.