Една стара жена од Италија по својата смрт во наследство на нејзиното куче му го остави имотот вреден околу два милиони евра.
Одлуката на 84-годишната Италијанка која во Касерти живеела со својата ќерка и неколку внучиња ја соопшти во саботата нејзината адвокатка Луциа Еспосито.
Според тестаментот нејзиното куче Чико наследи два стана, неколку земјишта и сметка во банка. Таа оваа одлука ја донела кусо по смртта на нејзиниот сопруг и своерачно ја потпишала, објасни Еспосито, додавајќи дека за тестаментот се советувала и со други адвокати.
Според италијанските закони доколку некој својот имот сака да му го остави на домашното милениче мора да го именува спроведувач на тестаментот, кој е должен на животно да му обезбеди живот во благосостојба. Оваа старица за тоа ја овластила адвокатката Еспосито.