Со настапот на македонскиот артист Емин Џијан со своето трио синоќа на летната сцена во Центарот за културата „Марко Цепенков“ започна Интернационалниот Џез-викенд во Прилеп.
Според организаторите, Фестивалот го презентира музичкото творештво во светот на џезот пред прилепската публика со основна идеја за поинаков урбан Прилеп и заложби за следење на вистинските светски културни вредности.
Синоќа прилепската публика можеше да го проследи и настапот на Милан Петрович Квартет од Србија. Вечерва, пак, на летната сцена ќе настапат: браќата Тавитјан и групата на Теодисиј Спасов (Бугарија).
Руската драм енд бејз атракција Салто и алтер составот на Дарко Рундек – CUL DE SAC ќе настапат на последната вечер на фестивалот.
Овогодинешниот Џез викенд е во организација на локалната самоуправа, а е дел од циклусот насловен „Сезонски фестивал“.