Шефот на француската дипломатија Лоран Фабиус изјави вчера дека компанија од неговата земја ќе ја разгледа можноста да учествува во развојот на чешката нуклеарна програма.
Чешката Влада неодамна го одобри долгорочниот план за зголемување на продукцијата на нуклеарната енергија.
Како дел од планот Владата сака да изгради уште еден реактор во нуклеарката Темелин и втор во централата Дуковани, со можност за уште по еден реактор на овие две места.
За разлика од некои други европски земји, да кажеме Германија и Австрија, Чешка и Франција во голема мера зависат од нуклеарната енергија.