Директорот на Астон Мартин Енди Палмер на овогодинешниот Саем на автомобили во Шангај најави електрична верзија на моделот „Рапид“, што сега е официјално потврдена.
Палмер во разговор со „Аутомотив њус“ на Пебл Бич соопшти дека автомобилот на пазарот ќе биде претставен за две години, дека ќе има 800 коњски сили и домет од 320 километри, како и погон на сите тркала.
Главен конкурент на Астон Мартин Рапид со електричен погон ќе биде Тесла Модел С.
– Ако сакаме да продолжиме да изработуваме В12 мотори, мораме да направиме нешто и на другиот крај на спектарот, изјави Палмер.
Според Палмер Тесла Моторс покажа дека постои можност за изработка на скапи возила во овој сегмент.
Цената на новиот електричен Астон Мартин Рапид ќе чини меѓу 200.000 и 250.000 долари.