Јапонецот Кеи Нишикори го откажа учеството на Мастерсот во Синсинати што почна вчера.
Нишикори на Мастерсот во Монтреал што заврши вчера беше полуфиналист, каде загуби убедливо 6:3 и 6:0 во сетови од победникот на турнирот Енди Мареј.
Јапонскиот тенисер се наоѓа на четвртото место на АТП листата и пред две недели триумфираше на турнир во Вашингтон. Тој за време на мечот со Мареј во саботата почуствувал болки во колкот и од таа причина го пропушта турнирот во Синсинати.
– Никогаш досега не сум имал повреда од ваков вид, се надевам дека брзо ќе се вратам и ќе бидам подготвен за УС Опен, изјави Нишикори.
Инаку, тој минатата година играше во финалето на УС Опен, кога загуби од Марин Чилиќ. Отвореното првенство на САД почнува на 31 август.