Младата швајцарска тенисерка Белинда Бенчиќ успеа синоќа во полуфиналето на турнирот во Торонто да ја совлада Серена Вилијамс и да се избори за финале против Симона Халеп од Романија.
Бенчиќ со 2:1 во сетови ја победи Вилијамс откако најдобрата светска тенисерка поведе со 1:0 добивајќи го првиот сет со 6:3. Во следните два Бенчиќ беше подобра со 7:5 и 6:4 во гемови.
Ова за Вилијамс е само втор пораз во 2015 година.
Во првото полуфинале Симона Халеп од Романија ја победи со 2:0 во сетови (6:4 и 6:4) Италијанката Сара Ерани и по турнирот во Индијан Велс успеа да се избори за своето прво финале.