Печатењето во 3Д ја потресе медицината и светот на дизајнот, а сега е време за архитектурата.
Мајкл Хансмејер и Бенџамин Диленбургер неодамна ја открија првата во светот 3Д печатена соба. Оваа инсталација од 11 тони е печатена со милион неверојатно детални површини, во ентериерот кој е 3,35 метри висок и 15,8 метри широк.
3Д печатената соба на Хансмејер и Диленбургер изгледа како историски храм или архитектонски фрагмент од декоративната ера. Собата е печатена во големи парчиња во период од еден месец и тогаш е склопена во текот на еден ден.
Компликуваната програма користена за дизајн на ентериерот кој има детали од периодот на барокот, е базирана на алгоритам кој го разви Хансмејер. Алгоритмот може да се користи за произведување на генерална форма на просторијата, како и „микро текстура“ која ја прават исклучително детални површини низ фрагментите на собата.