Македонските љубители на кошарката имаа можност во живо да го видат пехарот којшто ќе биде доделен на победникот на Евробаскет 2015 г. Тој денеска беше претставен во Охрид, како дел од „TROPHY TOUR” турнејата. Пехарот претставува мало ремек дело, изработено од злато и сребро во комбинација со 24 скапоцени камења.
– Македонија е дел од ова ЕП и со радост ја прифативме идејата барем на еден ден во нашата држава да го имаме трофејот за кого ќе се борат селекциите на претстојниот европски шампионат. Заслужено сме дел од европскиот крем, се надевам дека еден ден и нашите репрезентативци ќе го кренат овој прекрасен пехар – изјави претседателот на МКФ, Петар Наумоски, на денешната прес-конференција во Охрид.
„TROPHY TOUR“ – турнејата на ФИБА започна на 19 мај во Рига (Латвија) и откако ќе пропатува низ сите земји-учеснички на ЕУРО БАСКЕТ 2015, ќе заврши на 30 август во Келн (Германија). Во Македонија трофејот пристигна од Варшава (Полска), а потоа ќе го испратиме кон Антверпен (Белгија).
Трофејот тежи 18 килограми, висок е 23 сантиметри.