Владејачката партија денеска повторно демонстрираше отуѓеност од проблемите на народот, па наместо да одговара, таа повторно поставува прашања. За потсетување, СДСМ градеше капитални објекти, како изградба на Хидроелектрана Козјак и обиколницата на автопатот околу Скопје, коишто се во корист на сите граѓани и во правец на економскиот развој, велат од СДСМ.
– Она што не е јасно е зошто ВМРО-ДПМНЕ најмува приватна агенција да ја заштити својата пералница за пари, Скопје 2014, при тоа потценувајќи ја полицијата која е платена од граѓаните за да ги штити спомениците од евентуални оштетувања. Меѓутоа, за нас е сомнително зошто ДПМНЕ ги штити спомениците. Значи ли тоа дека и тие се свесни дека нивниот проект е забеган, па се плашат од сопствениот народ? Како и да е, Скопје 2014 останува најголемата пералница на пари на оваа забегана власт – велат од најголемата опозициска партија.