Пробиен со една коловозна лента е три дена блокираниот регионален пат Тетово – Јажинце.
Во текот на утрешниот ден се очекува сообраќајот да биде нормализиран, кога ќе биде пробиена и втората коловозна лента.
Патот се користи од тешката механизација и камионите ангажирани за расчистување на над 200.000 кубни метри кал, камења и други наноси кои беа донесени од Поројска Река при големото невреме што го зафати регионов во понеделникот.