Седумдесет тенисери од Израел, Кипар, Англија, Норвешка, Русија, Украина, Австралија, Филипини, Франција, Словенија, Хрватска, Србија, Грција и Македонија ќе бидат дел од тенискиот турнир за јуниори и јуниорки до 16 години „Црна Река Опен“, кој од утре до 9 август ќе се игра на тениските терени на тенискиот клуб „Црна Река“ од Кавадарци. Ова денеска го истакна директорот на турнирот Лазе Мицев.
Според официјалната програма на овој исклучително силен турнир, кој е дел од календарот на Tenis Europe, свеченото отворање е закажано за утре во 19 часот, а се очекува да се обратат Мицев и претставникот на Tenis Europe. Антонио Радојничкиќ.
– На турнирот боите на Македонија ќе ги бранат вкупно 15 тенисери, меѓу кои се и кавадарчанките Теодора Мицева и Микаела Чејкова, рече Мицев.