Билансот од собрани 82 единици крв во месецот на горештините, кога крвта е најпотребна и најбарана, претставува месечен рекорд на полето на крводарувањето што го спроведуваат Црвениот крст од Гевгелија и службата за транфузија при локалната Општа болница.
– Да се оствари таква импозантна бројка на крводарувања во јули не е мала работа. Доброволните крводарители покажаа хуманост за почит и ни дадоа надеж дека со нивна помош ќе се доближиме до бројката предвидена со годишниот план за крводарување, рече Младен Бундов, секретар на гевгелискиот Црвен крст.
Тој потенцира дека бројката од 340 крвни единици собрани во првата половина од оваа година се искачи на 422 и дека достигна реализација на годишниот план за нешто повеќе од 50 отсто.
Околу половина од реализацијата во јули, односно 40 единици крв беа собрани само во една вечер во акцијата што беше организирана во рамки на меморијалниот турнир во мал фудбал „Тихо“ во Миравци. Останатите 42 крвни единици беа донирани во службата за трансфузија во гевгелиската Општа болница.