Секој час низ славините во домовите и објектите во Струмица протекува 500 кубика вода, а причина за вака зголемената потрошувачка се високите температури.
Како што информираат од ЈПКД „Комуналец“ и покрај зголемената потрошувачката, состојбата со снабдувањето на Струмица и осумтте населби, со здрава вода за пиење е стабилна и не се размислува за рестрикции во водоснабдувањето.
– И покрај максималното зголемување на потрошувачката, со оглед дека имаме доволен капацитет на преработена вода во двата резервоари, успешно ги надминуваме ваквите потрошувачки удари и засега не размислуваме за воведување рестрикции во водоснабдувањето. Но, апелираме до граѓаните и останатите корисници рационално да ја користат водата, вели Андреј Тошев, раководител во Одделението за надзор и планирање во ЈПКД „Комуналец“.