Последна во низата „втора Земја“ е пронајдена во близина на ѕвездата Алфа Кентаури Б, на 4,37 светлосни години оддалечена од Земјата, што ја прави наша најблиска егзопланета.
Егзопланетите се важни поради можноста да поддржат живот каков што ние познаваме – поради присуството на вода или понекогаш само поради големината.
Во текот на последната деценија се откриени неколку стотина планети и се е поверојатно дека наскоро ќе биде пронајдена нова Земја, сметаат научниците.
Новооткриената планета е карпеста, а нејзината маса е многу слична на Земјата, истакнуваат научниците.
Нејзиното откривање влева надеж за пронаоѓање други планети слични на Земјата во близината на Алфа Кентаури Б, можеби дури и во област којашто може да биде населена.