Претседателот на француската кошаркарска федерација Жан Пјер Сиутат денеска соопшти дека на четириесет денови пред почетокот на ЕП во кошарка, чија што групна фаза ќе се игра во четири држави, се продадени 22.000 билети за финалето во Лил.
-Наша цел е да продадеме 27.000 билети и се надевам дека Франција ќе стигне до финалето, изјави Сиутат.
Европското првенство започнува на 5 септември, групната фаза ќе се игра во Загреб, Рига, Монпеље и Берлин, а Лил е резервиран за плеј-оф натпреварите.
Македонија своите натпревари ќе ги игра во Загреб.