Дваесет прекршоци кај моторциклистите утврдиле трите полициски контроли спроведени овој викенд на улиците и патиштата во Тетово и Тетовско, информираше денеска портпаролот на СВР Тетово Марјан Јосифоски.
Според неговите податоци најмногу случаи и тоа седум се за неносење заштитен шлем – кацига, пет прекршоци биле за нерегистрирани мотори, а во три случаи моторциклистите управувале без дозвола. Во два случаи биле регистрирани моторцикли со истечена регистрација, исто толку управувале со несоодветна кетагорија и по еден случај на давање моторцикл на друго лице и необновена лиценца.
– Сите овие прекршоци се санкционирани со 14 платни налози, 6 покани за наплата на глоба и една писмена опомена. Ваквите контроли на моторциклистите интезивно ќе продолжат и следниот период бидејќи е зголемен нивниот број по патиштата во Тетовско, особено во градот. Минатиот месец имаше и неколку тешки сообраќајни несреќи во кои учесници беа моторциклисти, рече Јосифовски.