Никола, дали не гледаш и слушаш, ние пак дојдовме и ќе доаѓаме секој ден се до моментот додека не заминеш. Готово е Никола, ти нема спас од нас! Порача активистката Билјана Бејкова, попладнево на протестот пред зградата каде што живее Никола Груевски.
– Николае, ти заминуваш на ѓубриштето на историјата, но заминуваш и за да одговараш за сите злодела, за сите криминали, што ги направи ти и твојата тајфа. Нема простување, рече Бејкова.
Таа порача дека деветте години владеење на Груевски се двет круга на пеколот, бидејќи многу луѓе беа етикетирани како предавници, прогонувани, затворани, па и убивани.
– Заради сите овие причини и уште многу други, време е да заминеш, збогум Никола!, рече Бејкова.