Во Друштвото на писателите на Македонија денеска ќе се одржи меѓународната поетска манифестација „Празник на липите“ на која ќе настапат 28 поети со стихови посветени на Скопје.
Манифестацијата ќе ја отвори претседателот на Организациониот одбор Владимир Мартиновски, а во нејзини рамки ќе бидат врачени наградите „Книжевен жезол“ на македонскиот поет Иван Чаповски и на поетот од Молдавија, Николае Дабижа.
Наградите ќе ги врачи претседателот на ДПМ Веле Смилевски, а за творештвото на Чаповски и Дабижа ќе говорат Раде Силјан и Ефтим Клетников.
Манифестацијата се одржува под покровителство на градоналачникот на Скопје, Коце Трајановски.