Кина сака Грција да остане во еврозоната и смета дека Атина и нејзините кредитори треба брзо да постигнат договор за решавање на проблемот со грчката должничка криза, изјави кинескиот премиер Ли Кечијанг.
– Кина сака Грција да остане во еврозоната поради што ги повикуваме кредиторите што побрзо да постигнат договор со грчката влада, изјави кинескиот премиер на самитот на Еу и Кина во Брисел.
Кечијанг со членови на државна делегација е во посета на ЕУ, по повод 40-годишнина од воспоставувањето официјални односи меѓу Брисел и Пекинг. Кина е втор најголем трговски партнер на Европската унија, а лидерите на 28 држави членки на Унијата го користат самитот во Брисел да повикаат на интензивирање на трговијата и инвестициите.