Доскорешниот капитен на кошаркарите на белградски Партизан, Драган Милосављевиќ, потпишал двегодишен договор со Алба, објави клубот од Берлин.
Милосављевиќ во Партизан пристигна во 2010 година од Раднички и со ’црно-белите’ освои четири титули и два купа во домашното првенство, како и две титули во АБА лигата.
Поголем дел од минатата сезона поради тешката повреда на коленото, одличниот бек ја пропушти, но оваа по враќањето на терените ја одигра на високо ниво со просечни по натпревар 11 поени, 3,7 скока и 1,7 асистенции.
Милосављевиќ има 26 години, висок е 198 сантиметри и се наоѓа на поширокиот список на српскиот селектор за Евробаскетот.