Македонските тенисери Стефан Мицов и Бојан Јанкуловски успешно ги завршија мечевите од првото коло на фјучрсот во Благоевград, Бугарија.
16-годишниот Јанкуловски со пласманот во второто коло ќе го запише и првиот АТП поен. Тој денеска во мечот од 1.коло го победи домашниот тенисер Васил Шандаров со 2-0 во сетови, притоа ривалот освои само четири гема (6:1 и 6:3). Јанкуловски имаше пет брејка од седум можности, а ривалот 1 од 8.
Мицов во првото коло беше подобар од Дмитри Сурченко од Русија со 6:4 и 6:1 во сетови.
Во следната рунда Мицов ќе игра против првиот носител на турнирот Александар Лазов, додека Јанкуловски за ривал ќе го има победникот од мечот Цветан Михов (Бугарија) – Јан Блеча (Чешка).