Македонската тенисерка Лина Ѓорческа успеа да се пласира во полуфиналето на фјучрсот во турскиот град Тарсус.
Таа денеска во мечот од четвртфиналето ја победи Британката Мирабел Нјозе со 2:0 во сетови и утре во борбата за финалето ќе игра против Германката Нора Нидмерс, која со 2:1 во сетови ја совлада Јулија Стаматова од Бугарија.
Во мечот од четвртфиналето Ѓорческа имаше шест брејка и сетовите ги доби со 6:1 и 6:4 во гемови. Нашата тенисерка освои 57 поени наспроти 36 на противничката.
Ѓорческа утре покрај полуфиналето во поединечна конкуренција ќе го игра и финалето во двојки заедно со Турчинката Мелис Сезер ќе играат против Германките Нора Нидмерс и Алина Весел.