Најдобриот македонски тенисер Томислав Јотовски направи нов скок на АТП и од денеска се наоѓа на 510.место што е подобрување за 22.места во однос на минатонеделното рангирање. Ова е најдобар рејтинг во кариерата на македонскиот тенисер.
Напредокот на Јотовски на АТП листата се должи на добрите игри и победите на фјучерсите во Босна и Херцеговина изминатите две недели.
Од другите наши играчи Димитар Грабул е на 693 место, додека Шендрит Деари, Бесир Дургути и Стефан Мицов се наоѓаат околу 1.400 место.
На врвот нема промени. Води Новак Ѓоковиќ пред Роџер Федерер, Енди Мареј, Стен Вавринка, Кеи Нишикори,…