Десетте поени освоени на фјучрсот во Брчко како финалист го искачија најдобриот македонски тенисер Томислав Јотовски на 532 место на АТП листата што за него е најдобар ранг во кариерата. Јотовски има вкупно 64 поени.
Тој ќе напредува и следната недела откако нови поени ќе му бидат запишани по настапот во Кисељак, а се очекува да има 69 поени и да биде рангиран околу 510-515 место.
Од другите наши играчи скок од 337 места има Стефан Мицов и се наоѓа на 1.406 место со поени, а нешто пред него се Шендрит Деари (1.396) и Бесир Дургути (1.400) и двајцата имаат 4 поени.
Димитар Грабул остана на 681 место со 36 поени.
Лина Ѓорческа со 87 поени се наоѓа на 391 место во сингл конкуренција, додека во двојки го има најдобриот пласман и е на 330 место.
Магдалена Стоилковска во сингл е на 1211 место.