Чешката тенисерка Луси Сафарова и Американката Серена Вилијамс ќе се борат за трофејот на Грен слемот Ролан Гарос.
Сафарова во полуфиналниот меч ја совлада Ана Ивановиќ (Србија) со 2-0, во двата сета со по 7:5.
Во понеизвесен меч во второто полуфинале првата светската тенисерка Вилијамс со пресврт славеше победа над Тимеа Башчински (Швајцарија) со 2:1, по сетови 4:6, 6:3 и 6:0.
Утре на програмата се машките полуфинални дуели: Новак Ѓоковиќ (Србија) – Енди Мареј (В.Британија) и Жо-Вилфред Цонга (Франција) – Стан Вавринка (Швајцарија).