Македонскиот тенисер Томислав Јотовски успеа да се пласира во четвртфиналето на фјучрсот во Кисељак, БиХ. Тој денеска во меч од второто коло со пресврт по водството на противникот Данаил Тарпов од Бугарија со 1-0 во сетови успеа да дојде до победа од 2-1.
Покрај триумфот за Јотовски е важно што на овој меч немаше ниту една двојна сервис грешка и за разлика од вчера имаше помал процент на загубени поени на свој сервис. Повторно Јотовски имаше повеќе брејкови 7 во однос на 3 на Тарпов.
Утре во четвртфиналето ќе игра против Стивен Де Вард од Австралија кој во три сета го победи Романецот Тудор Сулеа со 2:1 во сетови (7:5; 6:7;7:5).
Јотовски попладнево ќе игра и меч во двојки.