По победата во четвртфиналниот меч што и обезбеди пласман во полуфиналето на турнирот Ролан Гарос, српската тенисерка Ана Ивановиќ не ги криеше своите емоции и возбуда.
Пред соблекувалната пред објективите на камерите на голем број медиуми, таа ги прегрна и бакна сите оние кои ја пречекаа.
Но, посебно внимание српската тенисерка му посвети на нејзиното момче, германскиот фудбалер Бастијан Швајнштагер, а нивните страсни прегратка и бакнеж ставија крај на големиот број шпекулации за крај на нивната врска.
Првиот „јавен“ бакнеж на Ана и Бастијан го забележаа камерите и снимката набрзо го обиколи светот. Се отиде и до таму што видеото од бакнежот беше објавено и на службениот профил на Ролан Гарос на Твитер.