Македонскиот тенисер Томислав Јотовски стартуваше со победа на фјучрс турнирот во Брчко. Тој во мечот од 1.коло го победи Унгарецот Габор Боршош со 2:0 во сетови.
Првиот сет нашиот тенисер го доби на убедлив начин со 6:0 во гемови, а во вториот сет имаше повеќе неизвесност. До 4:4 во гемови беше нерешено, а во следниот гем Јотовски ја искористи шансата и направи брејк за водство до 5:4 и сетот го доби со 6:4.
Во следниот меч Јотовски ќе игра со победникот од дуелот Лукас Јастрауниг и Оливер Наѓ.
Попладнево македонскиот тенисер ќе игра и во игра на двојки.