Најтрофејниот европски кошаркарски тренер Жељко Обрадовиќ потпиша нов двегодишен договор со Фенербахче, објави денеска на својата веб страна клубот од Истанбул.
Фенербахче соопшти дека токму Обрадовиќ е најзаслужниот за успехот остварен оваа сезона кога тимот за прв пат во својата историја играше на „Фајнл-фор“ турнирот во Евролигата.
Српскиот стручњак од 2013 година го предводи Фенербахче. Во турското првенство го освои шампионатот и Суперкупот.
Обрадовиќ претходно 13 години беше тренер на Панатинаикос, а работеше и во Бенетон, Реал Мадрид, Партизан и Хувентуд.
Има осум шампионски трофеи во најсилното европско натпреварување – Партизан (1992), Реал Мадрид (1994, 1995) и Панатинаикос (2000, 2002, 2007, 2009 и 2011).